Mərmərə dənizində iki yük gəmisi toqquşub, itki yoxdur.

Qarabağinfo.az xəbər verir ki, bu barədə Türkiyənin “TRT Haber ” telekanalı xəbər verib.

Qeyd edilir ki, "Mare" quru yük gəmisi Mərmərə dənizində üzərkən naməlum səbəbdən idarəetmədən çıxıb. Bu zaman o, digər quru yük gəmisi "Arel-4" ilə toqquşub.

Əraziyə sahil təhlükəsizlik qrupları göndərilib. Ekipajlar qəza ilə bağlı hesabat hazırlayıblar.

"Toqquşmadan sonra hər iki gəmi reysə davam edib. Tələfat yoxdur", - telekanal bildirib.