Qubadlı şəhərinin Baş planını İsveçrə şirkəti hazırlayacaq

Ərazi Tikinti-Planlaşdırma Mərkəzi Qubadlı şəhərinin Baş planının hazırlanması ilə bağlı tenderin nəticələrini açıqlayıb.

Tenderin qalibi mərkəzi ofisi İsveçrədə yerləşən “Sapertners” Beynəlxalq Şəhərsalma və Planlaşdırma Agentliyi seçilib.

Şirkətlə layihə çərçivəsində 745,6 min manatlıq müqavilə imzalanıb.

Qeyd edək ki, müqaviləyə əsasən Qubadlı şəhərinin Baş planının bir il ərzində təhvil verilməsi planlaşdırılır.