DataLife Engine > Yazdırılabilir versiyon > İsrail Suriyaya zərbə endirib, 5 nəfər ölüb

Suriyanın mərkəzi hissəsindəki Masyaf şəhərinə raket hücumu olub.

Qarabaginfo.az “SANA” agentliyinə istinadən xəbər verir ki, hadisə nəticəsində 5 nəfər ölüb.

İlkin məlumata görə, ölənlər arasında mülki vətəndaş da var. Raket hücumu ilə əlaqədar 7 nəfər yaralanıb.

Zərbədən sonra kənddə yanğın başlayıb.

Suriya mediası cümə günü baş verən hücumda İsraili günahlandırıb.

Qeyd edək ki, Suriya tez-tez İsraili öz ərazisinə hücumlarda ittiham edir.

İsrail Müdafiə Nazirliyi belə xəbərləri şərh etmir.(Apa)