Rusiya Mərkəzi Bankı dolların rəsmi məzənnəsini endirib

Rusiya Mərkəzi Bankı (RMB) 6 may 2022-ci il tarixinə dolların rəsmi məzənnəsini 66,2378 rubl səviyyəsində müəyyən edib ki, bu da əvvəlki göstəricidən üç rubl 17,82 qəpik aşağıdır.

Qarabaginfo.az Banka istinadən xəbər verir ki, avronun rəsmi məzənnəsi isə iki rubl 71,53 qəpik azaldılaraq 70,0662 rubl müəyyən edilib. Moskva birjasının valyuta ticarətində dolların məzənnəsi 0,21% azalaraq 66,16 rubla, avronun məzənnəsi isə 69,8 rubl (-0,91%) səviyyəsində olub.

Bundan əlavə, Moskva birjasının indeksi 1,31% artaraq 2 404,25 bənd, RTS dolları indeksi isə 1 144,61 bənd (+2,74%) təşkil edib.