Tviter sosial  şəbəkəsi kommersiya və hökumət istifadəçiləri üçün pullu ola bilər.

Qarabaginfo.az xəbər verir ki, bu barədə sosial şəbəkəni alan amerikalı milyarder, “SpaceX” və “Tesla” şirkətlərinin qurucusu İlon Mask mikrobloqunda bildirib.

"Tviter ümumi istifadəçilər üçün həmişə pulsuz olacaq, lakin kommersiya/dövlət istifadəçiləri üçün kiçik bir ödəniş ola bilər", - o yazıb.

Milyarder bunun adi şəxsi istifadəçilərə təsir etməyəcəyini vurğulayır. Lakin kommersiya və hökumət istifadəçiləri üçün onlar orta rüsum tətbiq edə bilərlər.

Mask daha əvvəl Amerika platformasını 44 milyard dollara alıb.