Nigeriyada bina çökməsi nəticəsində ölənlərin sayı artıb

Nigeriyanın cənub-qərbindəki Laqos ştatında üçmərtəbəli binanın çökməsi nəticəsində ölənlərin sayı artıb.

Qarabaginfo.az xarici mətbuata istinadən xəbər verir ki, bu barədə Fövqəladə Hallar üzrə Dövlət Xidmətinin koordinatoru İbrahim Farinloye məlumat yayıb.

Onun sözlərinə görə, ölü sayı hazırda 10 nəfər təşkil edir, 24 nəfər xəstəxanaya yerləşdirilib. Axtarış-xilasetmə işləri davam edir.

Xatırladaq ki, keçən il Laqos ştatında tikilməkdə olan 21 mərtəbəli binanın çökməsi nəticəsində 40-dan çox adam həlak olmuşdu.