İndiyədək koronavirusla bağlı 30 minə yaxın test aparılıb, 4085 nəfər karantindədir

Azərbaycanda koronavirusla bağlı müxtəlif karantin zonalarına yerləşdirilən 4085 nəfərin müayinəsi ilə bağlı müvafiq tədbirlər həyata keçirilir.

Qarabaginfoş.az xəbər verir ki, bu barədə Apa.az-a Azərbaycan Respublikası Nazirlər Kabineti yanında Operativ Qərargahdan məlumat verilib.

Ötən müddət ərzində yeni yoluxma hallarının müəyyənləşdirilməsi ilə əlaqədar 30 minə yaxın test aparılıb.

243 nəfərin xüsusi rejimli xəstəxanalarda müalicəsi davam etdirilir.