Pele San-Pauludakı xəstəxanadan evə buraxılıb

Əfsanəvi braziliyalı futbolçu, üçqat dünya çempionu Pele xəstəxanadan evə buraxılıb.

Qarabaginfo.az "AFP"ə istinadən xəbər verir ki, Pele Sao Paulodakı Albert Eynşteyn xəstəxanasında cəmi iki gün qalıb.

Onun xəstəxanaya yerləşdirilməsi kolon (yoğun bağırsaq) xərçənginin müalicəsi ilə bağlı olub.

81 yaşlı keçmiş futbolçunun vəziyyəti stabildir.

Futbol əfsanəsi ayda ən azı bir dəfə kimyaterapiyadan keçmək üçün xəstəxanaya gedəcək.