Türkiyə Kuboku: "Sivaspor" səfərdə "Alanyaspor"u məğlub edib

Futbol üzrə Türkiyə Kubokunda yarımfinal mərhələsinin daha bir ilk oyunu keçirilib.

Qarabaginfo.az-ın məlumatına görə, "Bahçeşehir Okulları" stadionunda "Alanyaspor" "Sivasspor"u qəbul edib. Görüş qonaq komandanın əzmkar qələbəsi ilə yekunlaşıb - 2:1.

Hesabı 6-cı dəqiqədə meydan sahiblərindən Emre Akbaba açıb. 32-ci dəqiqədə Mustafa Yatabare bərabərlik qolunu vurub. 59-cu dəqiqədə Yatabare qırmızı vərəqə alıb. Lakin "Sivasspor" azlıqda olmasına baxmayaraq, 90+2-ci dəqiqədə Kerem Kesginlə yekun nəticəni müəyyənləşdirib.

Qeyd edək ki, ilk yarımfinal matçında "Trabzonspor" "Kayserispor"u yenib - 1:0. Cavab görüşləri 10-11 mayda gerçəkləşəcək.