Ukrayna ABŞ-dan ağır silahlar alacaq

ABŞ Ukraynanı helikopter və artilleriya ilə təchiz edəcək.

Bu barədə Ağ Ev məlumat yayıb.

ABŞ və Ukrayna prezidentləri Co Baydenlə Vladimir Zelenski arasında telefon danışığı zamanı Amerika lideri bu ölkəyə zirehli avtomobil, artilleriya sistemləri və helikopterlər də daxil olmaqla əlavə hərbi yardım üçün 800 milyon dollar ayıracağını bildirib.

“Bu yeni yardım paketinə çox effektiv silah sistemləri, daha geniş hücuma uyğunlaşdırılmış yeni hərbi texnika daxil olacaq", - məlumatda qeyd edilir.

Bayden əlavə helikopterlərin təhvil verilməsini də təsdiqləyib.