Kreml Baydenə cavab verib: ABŞ-ın əməlləri hamıya yaxşı məlumdur

Kreml vəziyyəti təhrif etmək üçün bu cür cəhdləri qəbuledilməz hesab edir.

Qarabaginfo.az xəbər verir ki, bunu Kremlin mətbuat katibi Dmitri Peskov ABŞ Prezidenti Co Baydenin ukraynalıların “soyqırımı” ilə bağlı bəyanatını şərh edərkən bildirib.

“Biz onlarla qətiyyən razılaşmırıq, vəziyyəti bu cür təhrif etmək cəhdini qəbuledilməz hesab edirik, xüsusən də, artıq dediyimiz kimi, bu, Amerika Birləşmiş Ştatlarının Prezidenti üçün o qədər də qəbulolunan deyil. Çünki, hamıya məlumdur ki, ABŞ yeni və ən müasir tarixdə hansı əməlləri törədən ölkədir”, - Kremlin sözçüsü vurğulayıb.