Rusiya Polşanın 45 diplomatını ölkədən çıxarır

Rusiya Polşa səfirliyi və konsulluqlarının əməkdaşlarını ölkədən çıxarır.

Qarabaginfo.az xəbər verir ki, bu barədə Rusiya Xarici İşlər Nazirliyinin (XİN) mətbuat xidməti məlumat yayıb.

Bildirilib ki, bu gün Polşa səfiri ölkəsinin martın 23-də 45 rus diplomatını "persona non grata" elan etməsi ilə əlaqədar XİN-ə çağırılıb və polşalı diplomata nota təqdim olunub: “Səfirin diqqətinə çatdırılıb ki, biz bu addımı Varşavanın ikitərəfli münasibətləri tamamilə məhv etmək istəyinin şüurlu təsdiqi kimi qiymətləndiririk. Bunun üçün məsuliyyət tamamilə Polşa tərəfinin üzərinə düşür”.

Rusiya XİN-dən bildirilib ki, qarşılıqlı prinsip əsasında Polşanın addımına cavab olaraq Polşa səfirliyinin və Polşanın İrkutsk, Kalininqrad və Sankt-Peterburqdakı Baş konsulluqlarının 45 əməkdaşı “persona non grata" elan edilib.

Diplomatlar aprelin 13-də günün sonuna qədər Rusiya Federasiyasının ərazisini tərk etməlidirlər.