Peskov: “Biz bilmirik Zelenski nə yeyir, nə içir, nə çəkir”

Rusiya Federasiyası Prezidentinin mətbuat katibi Dmitri Peskov rəsmi Moskvanın adından Ukrayna prezidenti Volodimir Zelenskinin xarakterini şərh edib.

Qarabaqinfo.az xəbər verir ki, Peskov Fransanın LCI telekanalına müsahibəsində deyib:

"Bir çox jurnalist onun (Zelenskinin) çıxışlarını araşdırır. Bu, Ukrayna prezidentidir, lakin biz onun nə istifadə etdiyini, nə içdiyini, nə çəkdiyini bilmirik".

Dmitri Peskov bildirib ki, Rusiya Zelenskinin Rusiya-Ukrayna danışıqlarında irəli sürülən şərtlərlə razılaşmasında maraqlıdır.

“Moskva danışıqlar yolu ilə hərbi əməliyyatı dayandırmaq istəyir. Biz onun Rusiya Federasiyasının şərtləri ilə razılaşmasında maraqlıyıq", - Peskov müsahibəsində deyib.