DÇ-2022: FIFA oyun qaydaları ilə bağlı yeniliyə hazırlaşır

FIFA oyunların əsas vaxtına əlavə olunmuş dəqiqələrin artırılmasını nəzərdən keçirir.

Qarabaginfo.az "Corriere dello Sport"a istinadən xəbər verir ki, bu halda görüşlərin vaxtı 100 dəqiqədən çox olacaq.

Ali futbol qurumunun prezidenti Canni İnfantino da bu ideyanın müzakirə olunduğunu təsdiqləyib.

İddiaya görə, yeniliklər 2022-ci ildə Qətərdə keçiriləcək dünya çempionatında sınaqdan keçirilə bilər. Lakin bunun üçün FIFA Beynəlxalq Futbol Assosiasiyaları Şurasının (IFAB) razılığını almalı olacaq.

Qeyd edək ki, DÇ-2022 noyabrın 21-dən dekabrın 18-dək təşkil olunacaq.