Ana Sayfa > Karusel / Gündəm > Vilyam Hacıyevin həbs qoyulmuş 5 milyonluq əmlakı
Vilyam Hacıyevin həbs qoyulmuş 5 milyonluq əmlakı5-04-2022, 18:13. Yazar: Admin |
Dövlət Təhlükəsizliyi Xidməti (DTX) tərəfindən həbs edilmiş İmişli rayon İcra Hakimiyyətinin sabiq başçısı Vilyam Hacıyevin və ailə üzvlərinin 5 milyon manatlıq əmlakları üzərinə həbs qoyulub. Qarabaginfo.az həmin əmlakların siyahısını əldə edib. İstintaq orqanı tərəfindən həbs qoyulmuş sözügedən əmlakların siyahısını təqdim edirik: Bakı şəhərində yerləşən mənzil; Abşeron rayonu, Xırdalan şəhərində yerləşən 4 fərqli mənzil; Sabunçu rayonu, Nardaran qəsəbəsində bağ evi; Vilyam Hacıyevin oğlu Məhəmməd Hacıyevin adına rəsmiləşdirilmiş "Rance Rover" markalı avtomobil və ailəsinə məxsus daha 3 avtomobil. Xatırladaq ki, sabiq icra başçısının cinayət işi üzrə Bakı Ağır Cinayətlər Məhkəməsində araşdırma davam etdirilir. O, Cinayət Məcəlləsinin 179.3.2-ci (külli miqdarda mənimsəmə və ya isriaf etmə, 308.1-ci (vəzifə səlahiyyətlərindən sui-istifadə), 311.3.3 (rüşvət alma (passiv rüşvətxorluq), külli miqdarda törədildikdə) 313-cü (vəzifə saxtakarlığı) və 228-ci (qanunsuz silah saxlama) maddələri ilə ittiham olunur. Məhkəmə əmlakların dövlət nəfinə müsadirə edilib-edilməməsinə qərar verəcək. (apa.az) Geri dön |