ABŞ Mərkəzi Komandanlığında rəhbərlik dəyişib

ABŞ Quru Qoşunları generalı Maykl Kurilla istefaya getmiş general Kennet Makkenzidən Silahlı Qüvvələrin Mərkəzi Komandanlığının (CENTCOM) rəhbəri vəzifəsini təhvil alıb.

Bu barədə məlumat CENTCOM-un saytında yer alıb. CENTCOM-un əməliyyat cavabdehliyi zonasına Yaxın Şərq, Cənubi və Mərkəzi Asiya daxildir.

Vəzifənin təhvil alınması mərasimi Tampada (Florida ştatı, ABŞ) keçirilib.

Xatırladaq ki, Makkenzi ABŞ Silahlı Qüvvələrinin Mərkəzi Komandanlığına 2019-cu ilin mart ayından rəhbərlik edirdi. Bu il yanvarın 8-də ABŞ Müdafiə Nazirliyi həmin vəzifəyə Maykl Kurillanın təyin edildiyini bildirib.