Hərəkətdə olan traktorun təkəri çıxıb, xəsarət alan var

Bakı-Sumqayıt yolunda traktor qəzaya uğrayıb.

Qarabaginfo.az xəbər verir ki, hadisə Bakı Beynəlxalq Avtovağzalının qarşısında qeydə alınıb. Azərbaycan Avtomobil Yollarına Dövlət Agentliyinə məxsus traktor hərəkətdə olan zaman texniki nasazlıqla üzləşib. Belə ki, traktorun təkərinin çıxması nəticəsində sürücü ağır xəsarət alıb.

Qarabaginfo.az-ın xəbərinə görə, Baş Dövlət Yol Polisi İdarəsindən APA-ya faktı təsdiqləyiblər. Bildirilib ki, qəza ilə bağlı yolda sıxlıq yaranıb. Hazırda yol polisi əməkdaşları tərəfindən sıxlıq aradan qaldırılıb.