2 yaşlı uşağın üzərinə qaynar su töküldü - Bakıya göndərildi

Zaqatalada iki yaşlı uşaq yanıb.

Qarabaginfo.az-ın məlumatına görə, hadisə ötən gün rayonun Yuxarı Tala kəndində baş verib.

Belə ki, kənd sakini, 2020-ci il təvəllüdlü Cansu Əli qızı Qanzayevanın üzərinə ehtiyatsızlıqdan qaynar su dağılıb.

Hadisə nəticəsində 2 yaşlı Cansu Qanzayeva müxtəlif dərəcəli yanıq xəsarətləri alıb. Yaxınları onu Zaqatala Rayon Mərkəzi Xəstəxanasına çatdırıb.

Xəstəxanada körpəyə bədənində 3-cü dərəcəli termiki yanıq xəsarəti diqnozu qoyulub. Onun vəziyyəti nəzərə alınaraq, Bakı şəhərindəki xəstəxanalardan birinə göndərilib.