Türkiyənin yeni "Çakır" raketləri

Türkiyə "Çakır" adlı qanadlı raketlərin istehsalına başlayıb.

Qarabaginfo.az xəbər verir ki, bu barədə Türkiyənin Müdafiə Sənayesi Komitəsinin sədri İsmayıl Dəmir məlumat yayıb.

Raketlər ROKETSAN tərəfindən inkişaf etdirilir.

Qurudan, dənizdən və hava platformalarından buraxıla bilən raketlər 150 kilometrdən çox mənzilə malikdir.

Raketlər "Kale Arge" şirkəti tərəfindən hazırlanmış yerli və milli mühərriklərlə təchiz edilib. Raketin ilk sınaq buraxılışı 2022-ci ildə həyata keçiriləcək.