Brüs Uillis səhhətinə görə karyerasını bitirir
30-03-2022, 22:43. Yazar: Admin
Məşhur Hollivud aktyoru Brüs Uillis səhhətində yaranan problem səbəbindən karyerasını bitirir.
Qarabaginfo.az xarici mediaya istinadən xəbər verir ki, bu barədə onun keçmiş həyat yoldaşı, aktrisa Demi Mur məlumat verib. Onun sözlərinə görə, Brüsün səhhətində müəyyən problemlər var və bu yaxınlarda ona nitq pozğunluğuna səbəb olan afaziya diaqnozu qoyulub.
"Brüs onun üçün çox böyük məna kəsb edən karyerasını tərk edir. Bu, bizim ailəmiz üçün həqiqətən çətin vaxtdır və biz sizin davamlı sevginiz, şəfqətiniz və dəstəyiniz üçün çox minnətdarıq", - Mur bildirib.
Qeyd edək ki, Brüs Uillisin martın 19-da 67 yaşı tamam olub.
Geri dön