Boqotada partlayış olub, 11 nəfər yaralanıb

Kolumbiyanın paytaxtı Boqotanın cənubunda polis idarələrinin birində partlayış olub.

Qarabaginfo.az-ın “El Tiempo” nəşrinə istinadən verdiyi xəbərə görə, partlayış nəticəsində ən azı 11 nəfər yaralanıb.

Yaralananlar arasında 2 uşaq da var.

Partlayış zamanı 60-dan çox evin pəncərələrinin şüşələri də sınıb.

Kolumbiya hökuməti hadisəni terror aktı kimi qiymətləndirib və hücumda iştirak edənlərin yerini bildirənlərə 80 min dollar mükafat vəd edib.