Avropa Komissiyası müdafiə sənayesinə dair təkliflər hazırlayacaq

Aİ liderləri Avropa Komissiyasına may ayınadək müdafiə sənayesinin inkişafına dair təkliflər hazırlamağı tapşırıb.

Qarabaginfo.az xəbər verir ki, Avropa İttifaqının Brüsseldə keçirilmiş növbədənkənar zirvə görüşünə dair məlumatda bildirilib.

Sənəddə göstərilir ki, Avropa Şurası Avropa Komissiyasına Avropa Müdafiə Agentliyi ilə birgə müdafiə sənayesi sahəsindəki boşluqları aşkara çıxarmağı və qitənin müdafiə sənayesi və texnoloji bazasını artıracaq təkliflər hazırlamağı həvalə edir. Bu, Avropa İttifaqında dayanıqlılıq və təhlükəsizliyi möhkəmləndirə bilər.