Britaniya "Qazprombank", "Alfa Bank" və "Sovkomflot"a sanksiyalar tətbiq edib

Böyük Britaniya cümə axşamı elan edilən sanksiyaların son raundunda Rusiyanın "Qazprombank" və "Alfa Bank"ın, həmçinin dövlətə məxsus gəmiçilik şirkəti "Sovkomflot"un aktivlərini dondurub.

Qarabaginfo.az xarici mətbuata istinadən xəbər verir ki, onlar sanksiya siyahısına əlavə edilən 59 fiziki və hüquqi şəxs arasında olublar.

Sanksiyalar həmçinin, "Rusiya Dəmir Yolları"nı və Rusiya pilotsuz təyyarələrinin əsas istehsalçısı olan "Kronshtadt" müdafiə şirkətini də hədəflənib. Özəl hərbi podratçı "Wagner Group"a da sanksiya tətbiq edilib.