Quterreş: “Ukraynaya hücum ərzaq böhranına səbəb ola bilər”

Rusiyanın Ukraynaya hücumu Yaxın Şərqdə və Şimali Afrikada ərzaq böhranına səbəb ola bilər.

Qarabaginfo.az-ın CNN-ə istinadən xəbərinə görə, bunu BMT-nin Baş katibi Antonio Quterreş BMT Təhlükəsizlik Şurasının iclasında deyib.

Quterreş bildirib ki, Ukrayna və Rusiyadan taxıl idxalının dayanması bir çox ölkələdə iğtişaşlara səbəb ola bilər.

“Ərzaq, yanacaq və gübrə qiymətləri kəskin artır, tədarük zənciri qırılır. Bütün bunlar ən kasıb ölkələri sərt şəkildə vurur və dünyada siyasi qeyri-sabitlik və iğtişaşların toxumunu əkir”, - deyə Quterreş bildirib.