“Rusiya hazırda Qərblə heç bir danışıqlar aparmır”

“Moskva Rusiya Prezidenti Vladimir Putinin xarici parlamentlərdə çıxışı ilə bağlı Qərb ölkələri ilə heç bir danışıqlar aparmır".

Bu barədə Kreml sözçüsü Dmitri Peskov jurnalistlərə açıqlamasında deyib.

“Dövlət başçısı Rusiyanın Ukraynadakı vəziyyətlə bağlı mövqeyini aydınlaşdırmaq üçün istənilən səviyyədə danışıqlara açıqdır. Hazırda heç bir danışıqlar aparılmır. Əlbəttə ki, biz buna təşəbbüs göstərə bilmərik və göstərmək istəmirik. Söhbət xüsusən də son həftələrdə ölkəmizə qarşı düşmən mövqedə olan ölkələrdən gedir” - Peskov vurğulayıb.