Ukraynada indiyədək 925 mülki şəxs ölüb

Rusiya ordusunun Ukraynadakı hücumu nəticəsində indiyədək 925 dinc sakin həlak olub, daha 1496 nəfər yaralanıb.

Qarabaginfo.az xəbər verir ki, bu barədə BMT -nin İnsan Hüquqları üzrə Ali Komissarlığının martın 21-nə olan məlumatında deyilir.

Ölən 925 nəfərin 183-ü kişi, 137-si qadın, 11-i qız və 25-i oğlan, o cümlədən cinsiyyəti hələlik məlum olmayan 39 uşaq və 530 böyükdür.

Ümumilikdə 1496 nəfər yaralanıb (163 kişi, 124 qadın, 22 qız və 17 oğlan, həmçinin cinsiyyəti də məlum olmayan 60 uşaq və 1110 böyük).