Ermənistan ordusunda bir gündə ikinci əsgər ölümü baş verib

Ermənistanda son sutka ərzində daha bir hərbi qulluqçunun ölümü qeydə alınıb.

Bu barədə Ermənistan Müdafiə Nazirliyinin məlumatında bildirilib.Qeyd olunub ki, 17 mart saat 10:30-da sıravi Eduard Rüstəmyanın meyiti tapılıb.

19 yaşlı hərbçinin hərbi hissələrdən birində güllə yarasından öldüyü açıqlanıb. Faktla bağlı cinayət işi açılıb.

Qeyd edək ki, oxşar insident martın 16-da axşam saatlarında da qeydə alınıb. Hərbi çağırışçı Albert Siroyan intihar edib.