Rusiya Təhlükəsizlik Şurasının katibi Nikolay Patruşev və ABŞ Prezidentinin Milli Təhlükəsizlik üzrə köməkçisi Ceyk Sallivan arasında telefon danışığı olub.

Qarabaginfo.az “RİA Novosti”yə istinadən xəbər verir ki, danışıq zamanı xüsusi diqqət Ukrayna ətrafındakı vəziyyətə ayrılıb.

Agentliyin məlumatına görə, N.Patruşev rəsmi Kiyevin kənardan göstəriş əsasında danışıqları ləngitmək cəhdlərinin yolverilməzliyi ilə bağlı Rusiyanın mövqeyini açıqlayıb. O, böhranın diplomatiya yolu ilə həllində sürətli irəliləyiş üçün ABŞ-ı Kiyevə təsir göstərməyə çağırıb.