Vətən müharibəsində dəymiş ziyan aprelin sonuna tam aradan qaldırılacaq

“Erməni silahlı qüvvələrini təcavüzü nəticəsində dəymiş ziyanın aradan qaldırılması ilə bağlı tədbirlər davam etdirilir”.

Qarabaginfo.az xəbər verir ki, bunu Milli Məclisin bu gün keçirilən iclasında Nazirlər Kabinetinin 2021-ci ildə fəaliyyəti haqqında hesabatını təqdim edən Baş nazir Əli Əsədov deyib.

Baş nazir bildirib ki, 11 rayon və şəhərdə dəymiş ziyanın aradan qaldırılmasına 124 milyon manatdan çox vəsait xərclənib: “13 295 obyektin 96,5%-i bərpa olunub. 3,5% isə aprelin sonuna kimi bərpa olunacaq”.