“Türkiyə Rusiyaya qarşı sanksiyalar tətbiq etməyi planlaşdırmır“ - Kalın

"Türkiyə hazırda Rusiyaya qarşı sanksiyalar tətbiq etməyi planlaşdırmır, etimad kanalını açıq saxlamaq istəyir".

Qarabaginfo.az "A Haber"ə istinadla xəbər verir ki, bunu Türkiyə prezidentinin sözçüsü İbrahim Kalın deyib.

"Hazırda biz Rusiyaya qarşı sanksiyalar tətbiq etməyi planlaşdırmırıq. Çünki etimad kanalının açıq qalmasını istəyirik. Təbii ki, iqtisadiyyatımızın zərər görməsini istəmirik", - deyə telekanal Kalından sitat gətirib.

Bundan əvvəl NATO-nun baş katibi Yens Stoltenberq alyansın bütün müttəfiqlərdən Rusiyaya qarşı sanksiyalar gözlədiyini, bu siqnalın Türkiyəyə də göndərildiyini bildirmişdi.