AMB pul kütləsinin sterilizasiyasını azaldıb

Ötən il Azərbaycan Mərkəzi Bankı (AMB) sterilizasiya alətlərindən daha az istifadə edib.

Qarabaginfo.az-ın Nazirlər Kabinetinin 2021-ci il üzrə hesabatına istinadən verdiyi məlumata görə, AMB sterilizasiya alətlərindən biri olan – notların satışını azaldıb. Belə ki, ötən il ərzində AMB 4,7 mlrd. manat həcmində not buraxıb ki, bu da illik müqayisədə 27% azdır.

Qeyd edək ki, sterilizasiya alətlətlərindən daha az istifadə dövlət qiymətli kağızları bazarında aparılan əməliyyatların həcmində də azalmaya gətirib çıxarıb. Belə ki, ötən il dövlət qiymətli kağızları ilə aparılan əməliyyatların həcmi illik 15% azalaraq 7,3 mlrd. manata enib. (apa.az)