Polşa XİN: Bütüm MiQ-29-larımızı dərhal verməyə hazırıq

Polşa Ukraynanın xahişinə uyğun olaraq, ABŞ-ın sifarişi əsasında bütün MiQ-29-larını verməyə hazırdır.

Qarabaginfo.az xəbər verir ki, bu bəyanatı Polşa XİN yayıb.

“Polşa hakimiyyəti prezident və hökumətlə məsləhətləşdikdən sonra özünün bütün MiQ-29 qırıcılarını dərhal və pulsuz olaraq ABŞ-ın sifarişi əsasında Almaniyanın Ramştayn bazasına göndərməyə hazırdır”, - bəyanatda bildirilib.

Eyni zamanda, Polşa ABŞ-ı əvəzedici kimi müvafiq əməliyyat imkanlarına malik ikinci əl təyyarələrlə (F-16-lar nəzərdə tutulur – red.) ölkəni təmin etməyə çağırıb:

“Polşa həmin təyyarələrin alınması şərtlərini dərhal razılaşdırmağa hazırdır”.

Polşa digər NATO ölkələrinin də öz MiQ-29-larını Ukraynaya bu şərtlərlə verməyə çağırıb.