Britaniya Ukraynaya əlavə 175 mln. funt sterlinq maliyyə yardımı edəcək

Baş nazir Boris Conson Britaniyanın Ukraynaya əlavə maliyyə yardımı edəcəyini açıqlayıb.

Qarabaginfo.az-ın xəbərinə görə, Baş nazir bildirib ki, əlavə maliyyə yardımının həcmi 175 milyon funt sterlinqdir.

Onun sözlərinə görə, bunun 100 milyon dolları (təxminən 76 milyon funt sterlinq) birbaşa Ukrayna hökumətinə ayrılacaq: “Bu qrant kritik dövlət funksiyalarının fəaliyyətini davam etdirmək, dövlət sektorunun maaşlarını, habelə pensiyaları dəstəkləmək üçün istifadə edilə bilər”.

Boris Conson qeyd edib ki, Britaniya indiyədək Ukraynaya ümumilikdə 400 milyon funt-sterlinq yardım edib.