Lukaşenko: “Rusiya hərbi əməliyyatlarda iştirakla bağlı qarşımıza tələb qoymayıb”

Belarus Prezidenti Aleksandr Lukaşenko ölkəsinin Rusiyanın Ukraynaya hərbi müdaxiləsində iştirak etmək istəmədiyini bildirib.

O, Belarus Ordusunun hərbi əməliyyatlarda gələcəkdə də iştirak etməyəcəyini əlavə edib.

“Bundan əlavə, Rusiya rəhbərliyi hərbi əməliyyatlarda iştirak etməklə bağlı qarşımıza tələb qoymayıb. Biz gələcəkdə də Ukraynadakı xüsusi əməliyyatda iştirak etməyi düşünmürük. Belə bir ehtiyac yoxdur”, - o vurğulayıb.