Rusiya MN: Kiyev qərb istiqamətindən mühasirəyə alınıb

Rusiya Ordusu Kiyev yaxınlığındakı Qostomel aerodromunu nəzarətə alarkən itki verməyib.

Qarabaginfo.az xəbər verir ki, bu barədə Rusiya Müdafiə Nazirliyinin Ukraynada davam edən hərbi əməliyyatla bağlı açıqlamasında deyib.

Nazirlik Kiyevin qərb istiqamətindən mühasirəyə alındığını, Çerniqov şəhərinin isə tam mühasirə vəziyyətində olduğunu bildirib.

Rusiya Müdafiə Nazirliyi Ukrayna vətəndaşlarına müraciət edərək Kiyevin yaşayış sahələrinə zərbələr endirməyəcəyini açıqlayıb.