İrəvanda azərbaycanlı deputatların gəlişinə qarşı etiraz aksiyası keçirildi

Ermənistanda müharibə vetereanları “Zvartnots” hava limanına gedən əsas yolu bağlayıblar.

Qarabaginfo.az xəbər verir ki, onlar Azərbaycan parlamentinin deputatları Tahir Mirkişili və Soltan Məmmədovun AVTONEST PA-nın Assambleya iclası üçün Ermənistana gəlişinə etiraz ediblər.

Onlar həmçinin, Türkiyə-Ermənistan münasibətlərinin normallaşmasına və İstanbul-İrəvan reysinin açılmasına da qarşı çıxıblar.

Polisin müdaxiləsindən sonra yol açılsa da, etirazçılar tələblərinin yerinə yetirilməyəcəyi təqdirdə daha geniş aksiyalar keçirəcəklərini deyiblər.

APA