Manaf Ağayev HƏBS OLUNDU

Müğənni Manaf Ağayev və dostu Sənan Hüseynov müvafiq icazələri olmadan işğaldan azad edilmiş ərazilərə səfər etdiklərinə görə cəzalandırılıblar.

 

Bu barədə Qarabaginfo.az-a Daxili İşlər Nazirliyinin (DİN) KİV və ictimaiyyətlə əlaqələr şöbəsinin rəisi Elşad Hacıyev məlumat verib.

 

DİN rəsmisinin sözlərinə görə, onlar barəsində protokollar tərtib edilib:

 

"Protokollar məhkəməyə göndərilib. Məhkəmənin qərarı ilə Manaf Ağayev və Sənan Hüseynov hər biri 15 sutka həbs olunub".

 

Xatırladaq ki, müğənni Manaf Ağayevin işğaldan azad edilmiş ərazilərə səfərini əks etdirən görüntülər yayılıb. Sosial şəbəkələrdə yayılan fotolarda müğənni və dostunun işğaldan azad olunmuş yerlərə qanunsuz səfəri müzakirə obyektinə çevrilib.