"Buster doza olaraq vətəndaşlarımız ölkəmizdə istifadə edilən istənilən peyvənd növünü tətbiq edə bilər”.
Qarabaginfo.az-ın xəbərinə görə, bunu Qaynarinfo-ya açıqlamasında Tibbi Ərazi Bölmələrini İdarəetmə Birliyinin (TƏBİB) İctimaiyyətlə əlaqələr şöbəsinin əməkdaşı Elnarə Baxış deyib.
Elnarə Baxışın sözlərinə görə, əgər vətəndaş birinci və ikinci doza kimi "sinovak” vaksinini seçibsə, buster doza olaraq "Pfizer” qəbul etməkdə hər hansı problem yoxdur:
"Yaxud da hər üç dozanı eyni vaksin tətbiq etmək də mümkündür. Bu, vətəndaşın seçiminə və istəyinə bağlıdır”.