Azərbaycan təmsilçisi Olimpiadada çıxışını başa vurdu

Azərbaycan fiqurlu konkisürəni Vladimir Litvintsev Çinin paytaxtı Pekində keçirilən Qış Olimpiya Oyunlarında çıxışını başa vurub.

Qarabaginfo.Az xəbər verir ki, Litvintsevin sərbəst proqramdakı çıxışı 155,04 xalla dəyərləndirilib.

Vladimir bu hərəkətdə 19-cu olub. Təmsilçimiz iki proqramın cəmində 239,19 xal toplayıb. Litvintsev ümumilikdə yarışı 24 idmançı arasında 18-ci yerdə başa vurub.

Qeyd edək ki, Olimpiya çempionu adına ABŞ təmsilçisi Natan Çen yiyələnib.

Xatırladaq ki, Azərbaycanın ikinci, həm də sonuncu fiqurlu konkisürəni Yekaterina Ryabova fevralın 15-də buz üstünə çıxacaq.