Ermənistanda Rusiya kanallarının bağlanması təklif edildi

Ermənistan parlamentinin hakim “Mənim addımım” fraksiyasının deputatı Narina Tuxikyan radio və televiziya verilişlərinin təqdimatı üzrə milli komissiyanın hesabatı zamanı  Rusiya kanallarının ölkədə yayımının məhdudlaşdırılması məsələsini qaldırıb.

“Qarabaginfo” xarici KİV-ə istinadən xəbər verir ki, Tuxikyan Rusiyanın “Mir”, “ORT” və “Rosiyya 1” kanallarının yayımının dayandırılmasını istəyib. O, buna səbəb kimi həmin kanalların verilişlərində siyasi çağırışlar olmasını göstərib. Millət vəkili həmin kanalların xüsusilə Ermənistan əleyhinə fəaliyyətindən narahat olduğunu dilə gətirib.