NATO Azərbaycan-Ermənistan münasibətlərinin normallaşmasını dəstəkləyir

NATO Baş katibi Yens Stoltenberqin Cənubi Qafqaz və Mərkəzi Asiya üzrə xüsusi nümayəndəsi Xavyer Kolomina Azərbaycanın 8 erməni hərbçini qarşı tərəfə təhvil verməsinə münasibət bildirib.

Qarabaginfo.az xəbər verir ki, Xavyer Kolomina "Twitter"də qeyd edib ki, NATO Azərbaycan-Ermənistan münasibətlərinin normallaşmasını dəstəkləyir.

“Doğrudan da yaxşı xəbərdir. NATO həm Ermənistan, həm də Azərbaycanla tərəfdaşlığı yüksək qiymətləndirir. NATO Azərbaycan-Ermənistan münasibətlərinin normallaşmasına tərəfdardır. Bu, regionda sabitliyin və rifahın artmasına töhfə verəcək”, - NATO Baş katibinin xüsusi nümayəndəsi qeyd edib.