“Ermənistan Konstitusiyası respublika rəhbərinin qərəzsiz olmasını, milli maraqları rəhbər tutmasını tələb edir. Çünki Ermənistan bu gün ciddi daxili və xarici çağırışlarla üz-üzədir. Bu baxımdan milli birlik və ictimai həmrəyliyin alternativi yoxdur”.
Qarabaginfo.az xəbər verir ki, bu sözlər “Şərəfim var” və “Hayastan” blokunun birgə bəyanatından götürülüb.
Bəyanatda daha sonra deyilir:
“Amma ölkəni dağılmaq həddinə çatdıran, cəmiyyəti parçalayan bu iqtidar eyni iş rejimini davam etdirməyə, təkcə dövləti deyil, yalnız öz dar komanda maraqlarını rəhbər tutmağa qərar verib. Prezident institutu cəmiyyəti birləşdirən həqiqətən bitərəf bir qurum kimi çıxış etməli olsa da, mövcud hakimiyyət yalnız öz səlahiyyətləri ilə respublika Prezidentinin namizədliyini irəli sürmək və seçmək qərarına gəlib.
Beynəlxalq ictimaiyyət demokratiyanın geri çəkilməsi, o cümlədən tək adam diktaturasının bərqərar olması ilə bağlı aşkar faktlara səssiz qalıb.
Biz namizədin irəli sürülməsinin məqsədəuyğunluğunu müzakirə etmişik. Lakin indiki vəziyyətdə dolayı yolla da olsa, həmin seçkinin legitimləşdirilməsində iştirak etməyi qəbuledilməz və yanlış hesab edirik.
Bütün bunlara əsasən, “Ermənistan” və “Şərəfim var” fraksiyaları heç bir şəkildə prezident seçkilərində iştirak etməmək qərarına gəliblər”.