Qırğızıstan sərhəddən 11 mindən çox vətəndaşını təxliyə etdi

Qırğızıstan Tacikistanla sərhəddəki münaqişə zonasından 11 mindən çox insanı təxliyə edib.

Qarabaginfo.az xəbər verir ki, bu barədə ölkənin Fövqəladə Hallar Nazirliyi məlumat verib.

“Batkendə hazırkı vəziyyət belədir: 11052 vətəndaş bölgədən təxliyə edilib. Onlardan 10 410 nəfəri təhlükəsiz ərazilərə, 642 nəfəri isə müvəqqəti məskunlaşma məntəqələrinə köçürülüb”, - məlumatda qeyd olunub.

Bildirilib ki, hazırda təxliyə edilən vətəndaşlar həkim nəzarətindədir və bütün lazımi vasitələrlə təmin olunublar.