Ümumiyyətlə, bu gün beynəlxalq aləmdə Rusiya sülhməramlıları haqqında çox mənfi, neqativ yanaşma var. Amma gəlin görək, ümumiyyətlə, başqa ölkələrin, o cümlədən Fransanın BMT-nin sülhməramlı missiyaları adı altında öz vəzifələrinin öhdəsindən gəlibmi?
Qarabaginfo.az xəbər verir ki, Federal İnformasiya Agentliyinin beynəlxalq redaksiyası BMT-nin beynəlxalq missiyalarının fəaliyyətini və onların nəticələrini təhlil edib və “BMT-nin Afrikadakı ən səmərəsiz missiyaları: sülhməramlıların regionda təhlükəsizliyə necə təhlükə yaratması” barədə araşdırma yazı hazırlayıb.
Yazıda bildirilir ki, bir neçə Afrika dövlətinin əhalisi Birləşmiş Millətlər Təşkilatının sülhməramlı missiyalarının əməkdaşlarından narazılıqlarını bildirmək üçün müntəzəm olaraq kütləvi mitinqlərə və nümayişlərə çıxırlar. İnsanlar mandatın təcili geri alınmasını və BMT sülhməramlılarının tezliklə geri çəkilməsini tələb edirlər.
Bunun əsas səbəbləri kimi “Mavi Dəbilqəlilər”in davamlı olaraq törətdiyi cinayətlər, yəni dinc əhalinin qətlə yetirilməsi, məhkəməsiz edamlar, cinsi təcavüz, terror qruplaşmalarının başçılarını silah və sursatla təmin etmək və sonunculara birbaşa dəstək göstərilir.
BMT-nin Cənubi Afrika Respublikasında (CAR) Multidissiplinar İnteqrasiya edilmiş Sabitləşdirmə Missiyası (MİNUSCA)
Yaradılma tarixi: 10 aprel 2014-cü il
Xərcləri: 2020-2021 $1,006,428,200
2021-ci ildə işçilərin sayı: 15 002 nəfər
MINUSCA əməkdaşları 7 ildən artıqdır ki, CAR-dadırlar. Bu müddət ərzində BMT sülhməramlıları missiyanın mandatında göstərilən tapşırıqların heç birini yerinə yetirə bilməyiblər. “Mavi Dəbilqəlilər” silahlı qruplaşmalarla qarşı-qarşıya gəlmək və vəziyyəti sabitləşdirmək əvəzinə, mülki əhalinin hüquqlarının pozulmasına yol verməklə məşğuldurlar.
Təkcə 2015-ci ildən 2019-cu ilə qədər qeydə alınmış dövrdə MINUSCA əməkdaşları 145 cinsi cinayət törədiblər.. Qeyd etmək lazımdır ki, statistika yalnız qeydə alınmış şikayətləri nəzərə alır. Sülhməramlıların CAR-da olduğu bütün müddət ərzində nə qədər belə hadisələrin baş verdiyini təsəvvür etmək çətindir.
Cinayətlər:
– 2015. BMT-nin yüksək rütbəli zabiti Anders Kompas təşkilatın Fransa sülhməramlıları tərəfindən uşaqlara qarşı zorakılıq halları ilə bağlı daxili hesabatını Parisə təqdim etdiyi üçün vəzifədən uzaqlaşdırılıb.
– 2015. BMT sülhməramlıları uşaqlara təcavüzdə ittiham olunur.
– 2015. Ruanda sülhməramlısı dörd həmkarını öldürüb, daha səkkizini şikəst edib və intihar edib.
– 2015. Banguidə keçirilən əməliyyat zamanı MINUSCA əməkdaşları 12 yaşlı qızı zorlayıb, həmçinin onun 16 yaşlı qardaşını və atasını öldürüblər.
– 2016 BMT sülhməramlıları təxminən səkkiz qadın və qıza təcavüz ediblər. Sağ qalanlar Bambari hava limanının qarşısında hücuma məruz qaldıqlarını bildiriblər.
– 2017. MINUSCA işçilərinin CAR-da pozuntuları ilə bağlı bir sənəd dərc edilib. Pakistan, Zambiya, Konqo Respublikası, Burundi, Mərakeş, Misir, Kamerun, Qabon və Nigerdən olan sülhməramlılar 14 araşdırmada iştirak edirlər.
– 2017. MINUSCA əsgərləri 16 yaşlı qıza narkotik verib və zorlayıblar. Le Monde-un məlumatına görə, 2014-cü ildə missiya rəhbərliyi cinsi cinayətlərə görə sülhməramlılardan ibarət iki batalyonu (600 və 120 nəfərlik) ləğv edib.
– 2018-ci il. MINUSCA əsgərləri 60 nəfərin ölümü ilə nəticələnən səhlənkarlıqda günahlandırılıb.
– 2019-cu il. BMT sülhməramlıları tərəfindən törədilən cinsi istismara dair 32-dən çox iddianın qeydiyyatı. Cinayətlərin siyahısını MINUSCA mətbuat konfransı zamanı İnnosant Zahida açıqlayıb.
– 2021. BMT sülhməramlıları Bossanqoa mədənlərindən qeyri-qanuni olaraq almaz, kobud almaz və qızıl əldə edərkən yaxalanıb.
– 2021. Yaraqlılara yardımla bağlı qalmaqal. MINUSCA əməkdaşları BMT-nin silah embarqosu ilə Mərkəzi Afrika Respublikasına idxalı qadağan edilən Belçika istehsalı olan minaları radikallara verməkdə günahlandırılıb.
Bu cür cinayətlər Mali, Sudan, Cənubi Sudan və digər Afrika ölkələrində missiyaları dəhşətli cinayətlər törədiblər.
Bu ölkələrdə sülhməramlılar arxeoloji ərazilərə qarşı vandalizm aktları törədiblər.
Biz cinayətlərin siyahısını da uzada bilərik. Amma ehtiyac yoxdur. Məlum olan budur ki, hər hansı dövlətin ən ümdə məsələsi siyasi və iqtisadi stabilliyi qorumaqdır.(konkret.az)