Türkiyə Rusiyadan S-400-lərin alınması ilə bağlı ABŞ-ın tənqidlərinə cavab verib

"Rəsmi Vaşinqton Türkiyəni Rusiyadan S-400-lər alması ilə bağlı əsassız olaraq tənqid edir".

Qarabaginfo.az "Anadolu" agentliyinə istinadən xəbər verir ki, bunu Türkiyənin milli müdafiə naziri Hulusi Akar deyib.

Nazir qeyd edib ki, S-400 hava hücumundan müdafiə sistemlərinin alınması seçim deyil, Türkiyənin milli təhlükəsizliyinin təcili tələbidir.

Akar xatırladıb ki, Türkiyə hava hücumundan müdafiə sistemlərinin tədarükü üçün NATO ölkələrinə müraciət edib, lakin bundan imtina edilib.

“Ankara Vaşinqtonla bütün fikir ayrılıqlarının dialoq yolu ilə həllinin tərəfdarıdır”, - nazir qeyd edib.