DataLife Engine > Yazdırılabilir versiyon > Azərbaycanla İran arasında hərbi əməkdaşlıq məsələsi müzakirə olundu

Azərbaycanın İrandakı səfiri Əli Əlizadə bu ölkənin müdafiə və Silahlı Qüvvələrə Dəstək naziri, general-mayor Məhəmməd Rza Aştiani ilə görüşüb.

Qarabaginfo.az xəbər verir ki, görüşdə Azərbaycanın və İranın dövlət rəhbərlərinin əlaqələrə göstərdiyi xüsusi diqqət vurğulanıb, iki ölkənin sıx münasibətlərindən məmnunluq ifadə olunub. Azərbaycan və İranın dost və yaxın qonşu ölkələr olaraq əməkdaşlığının bütün sahələrdə davam etdirilməsinin zəruriliyi qeyd olunub.

Müdafiə, hərbi və hərbi-texniki sahədə gündəmdə olan məsələlərə toxunulub. Səmərəli əməkdaşlığın daha da gücləndirilməsi perspektivləri, qarşılıqlı səfərlərin təşkil olunması, təcrübə mübadiləsinin artırılması və birgə layihələrin icra edilməsi haqqında geniş fikir mübadiləsi aparılıb.