Qazaxıstanın bölgələrində fövqəladə vəziyyət rejimi ləğv edildi

Qazaxıstan Prezidenti Kasım-Jomart Tokayev yanvarın 13-dən ölkənin üç rayonunda fövqəladə vəziyyət rejiminin ləğv edilməsi barədə sərəncam imzalayıb.

 

Qarabaginfo.az xəbər verir ki, sərəncama əsasən ölkənin Qərbi və Şimali Qazaxıstan, Pavlodar vilayətlərində fövqəladə vəziyyət rejimi ləğv edilib.

 

Bu bölgələrdə yanvarın 5-dən fövqəladə vəziyyət rejimi tətbiq olunub.

 

Dövlət başçısı Kollektiv Təhlükəsizlik Müqaviləsi Təşkilatının sülhməramlılarının ölkədəki missiyasının başa çatdığını və Qazaxıstanı tərk etdiklərini açıqlayıb.

 

Qazaxıstanın 12 rayonunda və 2 meqapolisində antiterror əməliyyatları başa çatıb. Hazırda ölkənin 14 rayonunda vəziyyət sabitləşib.