2021-ci ildə Süveyş kanalının gəlirləri 6.3 milyard dollara çatıb ki, bu da kanalın tarixində ən böyük rəqəmdir.
Qarabaginfo.az xəbər verir ki, bu barədə kanalın administrasiyasının rəhbəri Usama Rabia bildirib.
Onun sözlərinə görə ötən il kanalın tarixindəki rekord təzələnib. 2020-ci ildə müəssisənin gəliri 5.6 milyard dollar olduğu halda, 2021-ci ildə bu rəqəm 12.8% artaraq 6.3 milyarda yüksəlib.
Ötən il eyni zamanda kanaldan keçən yüklərin də kütləsi 8% artaraq 1.27 milyard tona çatıb. İl ərzində kanaldan 20 965 gəmi keçib.(Apa)