Azərbaycan Rusiyaya tibbi oksigen göndərdi

Azərbaycandan göndərilən tibbi oksigenin ilk partiyası Rusiyanın Stavropol vilayətinə çatıb.

Qarabaginfo.az xəbər verir ki, bu barədə vilayətin qubernatoru Vladimir Vladimirov bildirib.

“Bir gün əvvəl rayona ilk partiya gəldi. Nevinnomısskda oksigen boşaldılıb, tibb müəssisələri arasında paylama artıq aparılır. İlk alanlar arasında Stavropolun 2-ci və 4-cü xəstəxanaları, İzobilnoye, Mineralnıye Vodı, Svetloqrad xəstəxanaları var”, - qubernator qeyd edib.⠀

“Qarşıda uzun Yeni il tətilləri var, buna görə də hər hansı bir fasilə ehtimalını istisna etmək üçün oksigen ehtiyatına sahib olmaq vacibdir. Bu iş xüsusi nəzarətdədir”, - Vladimirov əlavə edib.