ABŞ dövlət katibi Entoni Blinken İsrailin xarici işlər naziri Yair Lapid ilə telefon danışığında ikitərəfli əlaqələr, Fələstin-İsrail nizamlanması və İranla bağlı vəziyyəti müzakirə edib.

Qarabaginfo.az xəbər verir ki, bu barədə ABŞ Dövlət Departamenti məlumat yayıb.

“Tərəflər arasında bir sıra mövzular, o cümlədən ABŞ-İsrail arasında ikitərəfli münasibətlərin əhəmiyyəti, Fələstin-İsrail məsələləri və regionda baş verən hadisələr, o cümlədən İranın nüvə silahı əldə etməsinə icazə verilməməsi ilə bağlı ümumi qənaətimiz müzakirə edilib”, deyə məlumatda vurğulanıb.